Украина инқирозини ҳал қилишга қаратилган “тинчлик саммити” Бирлашган Миллатлар Ташкилоти Бош ассамблеяси йиғилиши форматида ўтказилиши мумкин.

Тадбирни ўтказиш тартиби ҳали муҳокама қилинмоқда. Бу ҳақда Украина Ташқи ишлар вазирининг биринчи ўринбосари Эмине Жапарова маълум қилди.

Унинг сўзларига кўра, ҳозирча икки хил ҳужжат ишлаб чиқилмоқда. “Тинчлик режаси”, деб номланган резолюция 23 февралда кўриб чиқилиши мумкин. “Жавобгарлик ҳақидаги резолюция эса бироз кейинроқ кўрилади”.

“Тадбирни ўтказиш бўйича ҳалигача аниқлик йўқ. Тинчлик формуласи саммитга тегишли. Бу масала БМТ Бош ассамблеясида муҳокама қилиниши керак”, деб қўшимча қилди Жапарова.

Нозимжон Мардонов,ЎзА