Bir necha yildan buyon Andijon shahridagi “Idas elektroniks sistem” O‘zbekiston – Singapur qo‘shma korxonasida ishlab kelmoqdaman. Korxonamizda O‘zbekistonda ishlab chiqarilayotgan yengil avtomobillar uchun CD/MP3 pleyerlari (magnitofonlar) hamda elektron soatlar tayyorlanadi. 

Bir necha yildan buyon Andijon shahridagi “Idas elektroniks sistem” O‘zbekiston – Singapur qo‘shma korxonasida ishlab kelmoqdaman. Korxonamizda O‘zbekistonda ishlab chiqarilayotgan yengil avtomobillar uchun CD/MP3 pleyerlari (magnitofonlar) hamda elektron soatlar tayyorlanadi.

O‘zbekistonda mehnat qilayotgan xorijlik mutaxassis sifatida shuni aytmoqchimanki, bu yerda, xususan, avtomobilsozlik sohasida samarali ish yuritish uchun barcha qulaylik yaratilgan. Men ishlayotgan korxonada ham ishchi-xizmatchilarning samarali mehnat qilishi uchun hamma sharoit muhayyo.

O‘zbekiston erishayotgan va xalqaro hamjamiyat tomonidan e’tirof etilayotgan barcha yutuq va marralar Prezident Islom Karimov rahnamoligida uzoqni ko‘zlab amalga oshirilayotgan oqilona siyosat, tinchlik-osoyishtalik, millatlar o‘rtasidagi hamjihatlik, totuvlik samarasidir. Ayniqsa, o‘zbek xalqining mehr-oqibat, bag‘rikenglik, mehmondo‘stlik, samimiyat va mehnatsevarlik kabi fazilatlariga havasim keladi.

Korxonamiz barcha hamkorlar bilan qat’iy tartib va o‘zaro ishonch asosida munosabat o‘rnatgan. Asosiy e’tibor sifatli, xaridorlarga manzur bo‘ladigan mahsulot ishlab chiqarishga qaratilmoqda. Ishlab chiqarilayotgan mahsulotlar uchun zarur qism va jihozlarni to‘liq O‘zbekistonda tayyorlash, ya’ni mahalliylashtirish jarayonini yo‘lga qo‘yish, ishlab chiqarish hajmini yanada oshirish uchun xorijiy investitsiyalarni keng jalb etish borasida salmoqli ishlar amalga oshirilayotir.

Yana sanoqli kunlardan keyin O‘zbekiston davlat mustaqilligining 23-yilligini nishonlaydi. Bu bayramni men ham yaxshi ko‘raman. Chunki u g‘oyat keng tantana qilinadi, ayniqsa, keksalarning hurmatda, bolalarning izzatda bo‘lishini ko‘rib, shunday yurtda ishlayotganimdan zavqlanib ketaman.

O‘zbekiston xalqini eng ulug‘, eng aziz ayyom – Mustaqillik bayrami bilan tabriklayman. Osmoningiz hamisha musaffo bo‘lsin, tinchlik, xotirjamlik bu yurtni hech qachon tark etmasin.

Bun Leon Tan,
“Idas elektroniks sistem”
O‘zbekiston – Singapur
qo‘shma korxonasi bosh menejeri.