Буюк Британия АҚШ Президенти Дональд Трампнинг қиролликка ташрифидан сўнг Фаластинни тан олиш ниятида, деб ёзди нашр.

— Бош вазир Кир Стармер шу ҳафта охирида, Президент Трамп Буюк Британияга давлат ташрифини якунлагач, Фаластинни расман давлат сифатида тан олади, — дейилган шу ҳақдаги баёнотда.

"Times" газетаси ёзишича, Лондон бу масалани бугун Стармер ва Трамп ўртасида бўлиб ўтадиган матбуот анжуманининг асосий мавзусига айланишидан бироз хавотирланган. Шу боис қарор эълон қилиниши ташрифдан кейинга қолдирилди.

Трамп Британияга иккинчи бор давлат ташрифи билан келди. Қиролликка дастлабки сафар 2019 йил амалга оширилган. Кеча Лондонда Америка етакчиси мухолифлари йирик митинг ташкил қилишди. 6 йил олдин ҳам худди шундай бўлган.

Ўтган йил Қўшма Штатлар БМТга тўлиқ аъзолигига вето қўйган Фаластинни ҳозиргача 147 давлат тан олган.

С.Раҳимов, ЎзА