“Тил – миллат ва маънавият кўзгуси” шиори остида 21 октябрь – Ўзбек тили байрами муносабати билан Миллий гвардия ва Ўзбекистон Ёзувчилар уюшмаси ҳамкорлигида маънавий-маърифий тадбир ташкил этилди.

Тадбир аввалида гвардиячилар ва тизим муассасалари ўқувчилари адабиёт ва санъат оламига бир қадам яқинлашиб, Адиблар хиёбони бўйлаб экскурсия қилдилар. Бу тарихий манзил уларни ўзбек адабиётининг бой мероси, қалам соҳибларининг ҳаёти ва ижоди билан таништирди.

Тадбирда сўз олганлар давлат тилининг миллат маънавиятини юксалтиришдаги, ёш авлод қалбида фахр туйғусини шакллантиришдаги аҳамияти ҳақида маъруза қилди.

Тадбирнинг бадиий қисмида Миллий гвардия ҳарбий-мусиқа академик лицейи ҳамда "Темурбеклар мактаби" ўқувчилари томонидан Ватан, ўзбек тили ва миллий ғурур мавзусидаги шеърлар, саҳна кўринишлари намойиш этилди.

Маънавият ва маърифат маркази ашула ва рақс ансамбли томонидан ижро этилган миллий куй-қўшиқлар ва рақслар томошабинлар қалбида юксак туйғуларни уйғотди.

Ўзбек тили – миллатнинг руҳи, қалби, тарихи ва келажаги. Унга эҳтиром билдириш ҳар бир фуқаро, ҳар бир ёшнинг муқаддас бурчи.

<iframe width="650" height="420" src="https://www.youtube.com/embed/1LMnW5I3lQo" title="Til – millat va ma’naviyat ko‘zgusi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нигора Раҳмонова, И.Исматов (монтаж), ЎзА