Самарқанд давлат тиббиёт институти, Тошкент давлат педиатрия институти ва Андижон давлат тиббиёт институти ҳамда Tadqiqot.uz нашриёти билан ҳамкорликда “Фундаментал, клиник тиббиётнинг долзарб муаммолари ва масофадан ўқитиш имкониятлари“ мавзусида халқаро анжуман бўлиб ўтди.

Унда Австрия, Исроил, Россия, Жанубий Корея Республикаси, Туркия, Украина ва Ўзбекистоннинг тиббиёт Олий таълим муассасалари ва илмий марказларининг 200 дан ортиқ олим ва тадқиқотчилари иштирок этди.

 Анжуманнинг очилишида Самарқанд давлат тиббиёт институти ректори, профессор Ж.Ризаев, Тошкент педиатрия тиббиёт институти ректори, профессор Б.Даминов ва Андижон давлат тиббиёт институти ректори профессор М.Мадазимов иштирокчиларга ўз мурожаатларини юбордилар.

Йиғилишдан сўнг конферентсия саккизта сессияда давом этди. Уларда тиббиёт ва тиббий таълимнинг тегишли соҳаларига оид 80 дан ортиқ маърузалар тингланди.