Буюк Британиянинг The Guardian нашрида эълон қилинган тадқиқот натижаларига кўра, Дунё тиктоник иқлим ўзгаришига яқин турибди.

Олимлар сайёрамиз тарихида жами 16 марта иқлим  ҳалокати юз берганини аниқлашган. Навбатдаги иқлим билан боғлиқ  “охирзамонга” бир неча қадам қолгани айтилмоқда. Иқлим инқирозини келтириб чиқарувчи сабаблар кўп. Уммонларда кислороднинг йўқолиши, музликларнинг зудлик билан эриб кетиши, океан оқимларининг ўзгариши яқин йилларда аввал кузатилмаган миқдорда кўп довуллар бўлишини, қаҳратон қишларни ва ёзги қурғоқчиликларни  келтириб чиқаради

«Дунё бир нечта хавфли омилларнинг кесишиш йўлида турибди, улар глобал фожиа оқибатларини келтириб чиқариши мумкин», — дея таъкидлайди Потсдам институти профессори Йохан Рокстрем.

Халқаро тадқиқотчилар гуруҳининг аниқлашича, ҳозирда сайёрамизда ўртача ҳарорат сўнгги бир неча минг йилликдаги энг юқориси ҳисобланади.

Аввалроқ 2022 йил Европа тарихидаги энг иссиқ йил бўлгани айтилган эди. Дарҳақиқат, кўплаб мамлакатларда ҳароратнинг кўтарилиши  рекорд даража чиққани қайд этилган.