Tez kunda Kinematografiya agentligi buyurtmasiga binoan "101 reys" kinokartinasi premerasi bo‘lib o‘tadi.

"Yoshlik" kinostudiyasi tomonidan suratga olingan mazkur filmda 2001 yil 11 sentyabr kuni mash’um terakt arafasida Toshkent-Nyu-York yo‘nalishida parvoz qilgan “O‘zbekiston havo yo‘llari” samolyoti ekipaj a’zolarining jasorati hikoya qilinadi.

Ssenariy muallifi va postanovkachi rejissyor Akrom Shahnazarov, postanovkachi operator Dilmurod Turdiboyev,  rassom Alisher To‘laboyev, liboslar bo‘yicha rassom Shahnoza Abdullajonova, rejissyor Go‘zal Yusupova, montaj ustasi Xurshid Alixo‘jayev, bosh prodyuser Firdavs Abduxoliqov, badiiy rahbar Erkin A’zam, ijrochi prodyuser Aziz Qurbonov.

Aktyorlar Hoshim Arslonov, Umid Iskandarov, Lola Eltoyeva, Samidxon Lutfullayev, Bahora Arslonova, Ra’no Shomirzayeva va boshqalar.

Oldinda Kinematografiya agentligi tomonidan rejissyor Yolqin To‘ychiyevning “Evrilish”, Dilmurod Masaidovning “Ayol qismati”, Dilbar Yusupovaning "Bardosh" kabi filmlari premerasi o‘tkaziladi.

Kinematograf agentligi Axborot xizmati.

O‘zA.