Қырғызстанның «Tez Jet» әуе компаниясына Өзбекстанға ұшуға рұқсат берілді.

«Узавиация» агенттігінің хабарлауынша, Қырғызстанның «Tez Jet» әуе компаниясына Өзбекстанға тұрақты рейстерді орындауға рұқсат берілді.

Ақпаратқа сәйкес, Өзбекстан мен Қырғызстан арасындағы әуе қатынасы туралы үкіметаралық келісім негізінде 2024 жылғы 22 ақпанда «Узавиация» агенттігі Tez Jet әуе компаниясына Ош-Ташкент-Ош және Бішкек -Ташкент-Бішкек бағыты бойынша Өзбекстанға тұрақты рейстерді орындауға рұқсат берген.

Ұшулар авиакомпанияның RJ-85 және MD-83 ұшақтарында жүзеге асырылады.