5–9 октябрь кунлари Қозоғистон Республикаси Актау шаҳрида илк бор “TurkicSkills–2025” халқаро касбий маҳорат чемпионати бўлиб ўтди.

Чемпионатда Туркия, Озарбайжон, Венгрия, Ўзбекистон, Қирғизистон ва Қозоғистон каби 8 та давлатдан 70 нафар ёшлар 10 та касб бўйича беллашдилар.

Ўзбекистон терма жамоаси Фарғона, Самарқанд ва Бухоро вилоятларидаги 6 та техникумдан 7 та касб йўналиши бўйича ўқувчи ва экспертлар билан иштирок этди.

Қувонарлиси, Пахтачи туман 1-сон политехникум ўқувчиси Жавоҳир Холиқулов “Пайвандлаш” йўналишида фахрли 2-ўринни эгаллади, Булунғур туман 1-политехникум ўқувчиси Саидумар Норқўзиев эса “Электромонтаж” йўналишида юқори натижа кўрсатиб, “Маҳорат медали” билан тақдирланди.

Чемпионат якунида тарихий воқеа рўй берди — “TurkicSkills” эстафетаси Ўзбекистонга топширилди.

ЎзА