Жорий йил давомида Ўзбекистон Республикаси Вазирлар Маҳкамаси ҳузуридаги Техник жиҳатдан тартибга солиш агентлиги томонидан ўтказилган давлат назорати натижалари эълон қилинди.

Агентликнинг асосий вазифаси – маҳсулотлар сифати ва хавфсизлигини таъминлаш, миллий стандартлар ва техник регламентларга риоя этилишини назорат қилишдир.  

Тадбирлар давомида 494 та корхона текширилиб, уларнинг фаолияти таҳлил қилинди. 541 та маҳсулот назоратдан ўтказилди, 90 фоиздан кўпроғи техник талабларга жавоб бермаслиги аниқланди.  

Назарийлаштирилган кўламда ўлчаш воситаларининг катта қисми қиёсланмаган ҳолда топилди, бу эса маҳсулот сифатини тўғри баҳолашда жиддий нуқсонларни келтириб чиқарди.

Маълумотларга кўра, энг кўп номувофиқ маҳсулотлар, озиқ‑овқат маҳсулотлари, қурилиш материаллари, енгил саноат маҳсулотлари, кимёсаноат маҳсулотларидир.

Ҳудудлар кесимида энг кўп бузилишлар Тошкент шаҳри, Самарқанд, Фарғона, Бухоро ва Навоий вилоятларида қайд этилди.

Назорат натижалари асосида номувофиқлик аниқланган корхоналарга маъмурий чоралар қўлланди, тадбиркорларга эса огоҳлантириш ва тушунтириш ишлари ўтказилди. Шунингдек, маҳаллий ва импорт маҳсулотлар ҳам назорат харидлари орқали текшириб чиқилди, уларда сифат талабларига риоя қилинмаган ҳолатлар аниқланди.

Мутахассисларнинг таъкидлашича, бу каби назорат тадбирларининг оммавий ўтказилиши бозорда сифатни ошириш, истеъмолчилар ҳуқуқларини ҳимоя қилиш ва маҳсулот хавфсизлигининг кафолатланиши учун мамлакатда муҳим аҳамиятга эга.  

Ш.Маматуропова, ЎзА