АҚШ-тың Техас штатында атыс болып, екі адам қаза тапты.

ABC News мәліметінше, оқиға Раунд-Рок қаласындағы Old Settlers саябағында болған. 

Онда екі топ арасында жанжал шығып, сол кезде белгісіз біреу оқ жаудырған. Оқиға орнында екі адам қаза тапқан, бірақ полиция олардың төбелеске қатысы жоқтығын мәлімдеген. 

Құқық қорғау органдарының айтуынша, әзірге атысқа қанша адамның қатысы бар екені туралы толық мәлімет жоқ.

Хабарға сәйкес, атыс салдарынан алты адам ауыр жарақатпен ауруханаға жеткізілген.