Qoraqalpog‘iston Respublikasida ham 2023-2024 o‘quv yili uchun oliy ta’lim muassasalariga kirish test sinovlari davom etmoqda.

Bilim va malakalarni baholash agentligi Qoraqalpog‘iston Respublikasi bo‘limi mutaxassislarining ta’kidlashicha, test sinovlarida 51 ming 314 nafar abituriyent ishtirok etishi kutilmoqda. Test sinovlari Nukus olimpiya va paralimpiya kollejining ikkita, Qoraqalpoq davlat universitetining ikkita binosida, Respublika o‘yin turlari va yengil atletika bo‘yicha ixtisoslashtirilgan sport maktabida hamda Toshkent axborot texnologiyalari universiteti Nukus filialida bo‘lib o‘tmoqda.  

Test sinovlari o‘tkaziladigan barcha binolar test sinovini o‘tkazish talablariga mos keladi. Qoraqalpog‘iston Respublikasi Vazirlar Kengashi, tegishli vazirlik va tashkilotlar bilan birga barcha bino va sektorlar Nizom talablari asosida tayyorlandi.  

[gallery-12985]

Test sinovlari o‘tkaziladigan joylarga videokuzatuvlar orqali jamoatchilik, shu jumladan, abituriyentlar ota-onalarining kirish test sinovlari jarayonini onlayn tarzda kuzatib borishlari uchun sharoitlar yaratildi. Test sinovlari 1-smenada soat 08:00 dan 11:00 ga qadar, 2-smenada soat 15:00 dan 18:00 ga qadar bo‘lib o‘tadi.  

Dovud ABIBULLAEV,

Maqsad HABIBULLAEV (surat), O‘zA