TEST-2020: Ertalabki navbatda 55 ming 767 abituriyent imtihon topshirgan, 37 talabgor testdan chetlatilgan
Bu haqda Davlat test markazi direktori oʻrinbosari Sardor Rajabov maʼlum qildi.
Bu haqda Davlat test markazi direktori oʻrinbosari Sardor Rajabov maʼlum qildi.
– Bugun ertalabki navbatda mamlakat miqyosida 40 hududdagi 65 obyektda test sinovlari soat 8:00 dan 11:00 gacha davom etdi, – dedi Sardor Rajabov. – Dastlab, 59 ming 250 abituriyent ishtirok etishi belgilangan edi. Shundan 55 ming 767 nafari qatnashdi. 1 abituriyentning tana harorati 37 darajadan koʻtarilgani bois, dalolatnoma rasmiylashtirilib, tibbiyot xodimlariga topshirildi.
Tezkor maʼlumotlarga koʻra, 3 ming 474 abituriyent turli sabablarga koʻra test sinovlarida ishtirok etmagan. 8 abituriyent tartib-qoidalarni buzgani uchun hududga kirish joyidayoq jarayondan chetlashtirilgan. Ulardan 4 nafari telefon, 1 nafari shpargalkadan foydalanmoqchi, 2 nafari boshqa shaxs oʻrniga kirmoqchi boʻlgan, 1 nafari hujjatni soxtalashtirgan. Imtihonga kiritilgan 29 abituriyent esa belgilangan tartib-qoidalarga rioya qilmagani uchun chiqarib yuborilgan.