Termizda Qizil kitobga kiritilgan noyob qushning qanotlarini kesib, uyida saqlayotgan shaxs aniqlandi
Oʻzbekiston Respublikasi DXX Surxondaryo viloyati boshqarmasi va Surxondaryo viloyati ekologiya va atrof-muhitni muhofaza qilish boshqarmasi xodimlari Termiz tumanida Oʻzbekiston Respublikasi Qizil Kitobiga kiritilgan Qirgʻiy burgut yovvoyi qushining qanotlarini kesib, uyida saqlayotgan shaxsni aniqladi.
Oʻzbekiston Respublikasi DXX Surxondaryo viloyati boshqarmasi va Surxondaryo viloyati ekologiya va atrof-muhitni muhofaza qilish boshqarmasi xodimlari Termiz tumanida Oʻzbekiston Respublikasi Qizil Kitobiga kiritilgan Qirgʻiy burgut yovvoyi qushining qanotlarini kesib, uyida saqlayotgan shaxsni aniqladi.
Dastlabki surishtiruv chogʻida Termiz tumani Gulbahor mahallasida yashovchi Gʻayrat Nuraliyev tutqunlikda noqonuniy saqlayotgan noyob yovvoyi qush uchib ketib qolishining oldini olish maqsadida uning qanotlarini kesib tashlagani maʼlum boʻldi.
Mazkur holat yuzasidan qonuniy toʻxtamga kelinguncha qanotlari kesilgan burgut saqlash va parvarishlash uchun Termiz hayvonot bogʻiga topshirildi.