Xalqaro baxshichilik san'ati festivali arafasida qurib bitkazilgan Termiz xalqaro aeroportining yangi terminali soatiga 400 yo’lovchiga xizmat ko’rsatish quvvatiga ega.

Keng va baland qilib qurilgan, zamonaviy texnikalar bilan jihozlangan ushbu terminalda bojxona nazorati, aviatsiya xavfsizligi va bagaj olish joylarida tezkorlikni ta'minlashga alohida e'tibor qaratilgan. Kutish zallari, CIP zonalar, ona va bola xonalari, namozxona, tibbiy punkt va boshqa bo’limlarda yo’lovchilarning barcha ehtiyojlari inobatga olingan. Duty Free do’konlari, bepul Wi-Fi xizmati, chet ellik turistlar uchun viza olish sektori tashkil etilgan.