Корея Республикасининг Мужу шаҳрида уч кун давом этган "World Taekwondo Diamond Games" турнирида мамлакатимиз таэквондочилари умумий ҳисобда 16 та медални қўлга киритди.

Кеча турнирнинг сўнгги куни ўтказилган яккалик беллашувларида Ўзбекистон терма жамоасининг 16 нафар вакили баҳсларда қатнашиб, уларнинг 13 нафари шоҳсупадан жой олди.

Терма жамоамиз аъзоларидан Светлана Осипова, Озода Собиржонова, Жаҳонгир Худойбердиев, Диёрбек Тўхлибоев, Озодбек Мамадалиев, Ёдгорбек Жўрабоев, Мадина Шониёзова ва Шаббона Абдувалиева ўз вазнларида рақибларини мағлуб этиб, олтин медаль соҳиби бўлди.

Эслатиб ўтамиз, икки кун аввалги жамоавий беллашувларда 2 та олтин, 1 та бронзали бўлган таэквондочиларимиз яккаликда 8 та олтин, 2 та кумуш ва 3 та бронзага эга чиқди.

Тўлқин Рўзиев,

ЎзА