Америкалық боксшы Теренс Кроуфорд күтпеген жерден екінші орта салмақтағы WBC белбеуінен айырылды.

The Ring басылымының хабарлауынша, чемпиондық атақтан айыру себебі – комиссиялық төлемдерді уақытында төлемеу болып отыр.

WBC бос тұрған белбеуді жаңа иеленушіні анықтау үшін арнайы шаралар қабылдады. Алдағы жекпе-жекте рингке Хамза Шираз пен Кристиан Мбилли шығуы тиіс.

Шираздың қоржыны 22 жеңіс пен бір тең нәтижеден тұрады, ал Мбиллиде – 29 жеңіс пен бір тең нәтиже бар. Айта кетерлігі, екі боксшы да әлі жеңіліс көрмеген.