Туркиянинг Анталия шаҳрида Халқаро теннис федерацияси томонидан W15 таснифидаги нуфузли турнирда мамлакатимиз шарафини Диана Яковлева жуфтлик беллашувларида ҳимоя қилмоқда.

Ёш теннисчимиз ушбу йўналишда нейтрал теннисчи Алиса Вамилева билан тандем ҳосил қилиб, биринчи даврада ҳиндистонлик Ашмита Эсварамуртҳи ва сербиялик Клара Важа дуэтига қарши ўйин ўтказиши белгиланган эди. Бироқ Диана ва Алисанинг рақиблари номаълум сабабларга кўра баҳсга чиқишдан бош тортган ҳолда мағлубиятларини тан олди.

Шу тариқа, чорак финал йўлланмасини қўлга киритган Диана Яковлева ҳамда Алиса Вамилева ярим финал остонасида эронлик Мешкатолзаҳра Сафи ва хитойлик Жиаю Ху жуфтлигига қарши кортга чиқадиган бўлди.

Жавоҳир Тошхўжаев,

ЎзА