Теннис бўйича мамлакатимизнинг биринчи рақамли теннисчиси Камила Раҳимова Руминиянинг Клуж-Напока шаҳрида ўтказилаётган WTA 250 турнирининг жуфтлик баҳсларида муваффақиятли иштирок этмоқда.

Нуфузли турнирда Камилла испаниялик Тормо Соррибес билан жуфтлик ташкил қилган ҳолда чорак финалда словениялик Кая Хуван ва польшалик Мая Чвалинска дуэтига қарши ўйин ўтказиб, якунда 6:2, 6:3 ҳисобидаги ғалабани қўлга киритди.

Шу тариқа Камила ва Тормо мукофот жамғармаси 283 минг 347 АҚШ долларини ташкил этувчи ушбу турнирнинг ярим финалида словениялик Вероника Эрьявец ва франциялик Тьянцоа Сара Ракотоманга Ражаона жуфтлиги билан куч синашади.

Жавоҳир Тошхўжаев, ЎзА