Кувайтнинг Заҳра шаҳрида теннис бўйича М15 тоифасига кирувчи халқаро турнирда ҳамюртимиз Ҳумоюн Султонов яккалик баҳсларида бош совринни қўлга киритди.

Аниқроқ айтадиган бўлсак, Ҳумоюн Султонов яккалик беллашувларининг сўнгги ҳал қилувчи финал ўйинида швецариялик Лука Стаерелини 6:4, 6:2 ҳисобида енгиб, мусобақа ғолибига айланди. Унга ушбу ғалаба пул мукофотидан ташқари, 15 рейтинг очкосини келтирди.  

Шунингдек, маҳоратли теннисчимиз мусобақанинг жуфтлик баҳсларида франциялик Константин Биттоун билан финалда туркиялик Мерт Оздемир ва Начи Туркер билан куч синашди. Афсуски, ушбу учрашувда Ҳумоюн ва Константинга омад кулиб боқмади ҳамда ушбу йўналишда вице-чемпионга айланди.

Жавоҳир Тошхўжаев, ЎзА