Qarshi shahrida Xalqaro tennis federatsiyasi (ITF) taqvimiga kiruvchi “Qarshi yulduzlari – 2015” turniri yakunlandi.

Qarshi shahrida Xalqaro tennis federatsiyasi (ITF) taqvimiga kiruvchi “Qarshi yulduzlari – 2015” turniri yakunlandi. Yigirmaga yaqin davlatdan yuz nafardan ziyod sportchi ishtirok etgan mazkur turnirda hamyurtimiz Sabina Sharipova g‘oliblikni qo‘lga kiritdi.

Sabina hal qiluvchi bahsda rossiyalik Kseniya Likinaga qarshi kortga chiqib, birinchi setni 6:2, ikkinchi setni 6:3 hisobida o‘z foydasiga hal qildi va “Qarshi yulduzlari – 2015” xalqaro turnirining bosh sovrini sohibi bo‘ldi.