Musobaqa oldidan Chimkent shahrida erkaklar o‘rtasida "Shymkent Open" turnirining asosiy to‘r bahslariga qur’a tashlandi. Unga ko‘ra, ilk davrada hamyurtimiz Humoyun Sultonov shveysariyalik Rikardo Maiga bilan raqobatlashadigan bo‘ldi. Yana bir vakilimiz Sanjar Fayziev esa ukrainalik Vladislav Manafovga qarshi kortga chiqadi.

Mazkur turnirda yosh tennischilarimiz San’atillo Qutiboev, Sharobiddin Abzalov va Gregoriy Korobeynikov saralash bosqichida ishtirok etmoqda.

Istanbul shahrida tashkillashtirilgan "ISTANBUL LALE CUP" musobaqasida esa mamlakatimiz sharafini Sabina Sharipova hamda Nigina Abduraimova himoya qiladi.

Sabina qur’a natijasiga ko‘ra ilk uchrashuvini slovakiyalik Yana Chepalovaga qarshi o‘tkazadigan bo‘ldi. Nigina esa qozog‘istonlik Yelena Ribakina bilan kuch sinashadi.