Теннис бўйича эркаклар терма жамоалари ўртасида норасмий Жаҳон чемпионати ҳисобланган "Дэвис кубоги" мусобақасининг II Жаҳон гуруҳи жуфтликлари эълон қилинди.

Унга кўра, ўтган йилнинг сентябрь ойида II Жаҳон гуруҳи плей-офф босқичида Ҳонг Конгга имкониятни бой берган Ўзбекистон терма жамоаси I Жаҳон гуруҳига чиқиш учун Нигерия синовидан ўтиши керак бўлади.

Нигерия-Ўзбекистон терма жамоалари ўйини жорий йилнинг 6-8 февраль кунлари Нигерияда бўлиб ўтиши белгиланди.

Айтиш лозим, Нигерия терма жамоаси ўтган йилнинг август ойида III Африка гуруҳида Жазоир, Зимбабве ҳамда Сенегал жамоаларидан устунликка эришиб, кейинги босқичга йўлланмани қўлга киритган эди.

"Дэвис кубоги" рейтингида 49-ўринни эгаллаб турган Ўзбекистон терма жамоаси 74-ўринда қайд этилган Нигерия жамоаси билан теннис мусобақалари тарихида бирор марта рўбарў келмаган.

Т.Рўзиев, ЎзА