Профессионал теннисчилар ассоциацияси (ATP) 2022 йилнинг сўнгги рейтингини эълон қилди.

Эътиборлиси, рейтингда маҳоратли теннисчимиз Ҳумоюн Султонов икки поғона юқорилаган, яъни 491-ўриндан 489-поғонага кўтарилган. Денис Истомин 467-ўринни эгаллаган тарзда йил билан хайрлашаётган бўлса, Сергей Фомин (363) эски ҳолатда мавсумни якунлади.  

Янгиланган рейтингнинг кучли ўнлигида ўзгариш кузатилмади. Испаниялик 19 ёшли Карлос Алькараз 2023 йилни рейтинг пешқадами сифатида қаршилаётган бўлса, 2-ўринни “Катта Дубулға” турнирларининг 22 карра ғолиби Рафаэль Надаль эгаллади. Кучли учликдан норвегиялик Каспер Рууд жой олди.  

ATP рейтингида, шунингдек ёш ракетка усталаримиздан Санжар Файзиев, Мустафа Дўстов, Раҳимбек Иброҳимов, Азиз Дадабоев ҳам қайд этилганлиги катта теннис майдонларига вакилларимиз ҳам дадил кириб бораётганлигини кўрсатмоқда.  

Т.Рўзиев,  

ЎзА