Andijonda Xalqaro tennis federatsiyasi (ITF) va O‘zbekiston tennis federatsiyasi tomonidan tashkil etilgan o‘smirlar o‘rtasidagi turnirda O‘zbekiston, Qozog‘iston, Qirg‘iziston, Isroil, Belarus, Buyuk Britaniya, Hindiston, Ukraina va Rossiyadan yosh tennischilar ishtirok etdi.

Musobaqaning yakkalik bahslarida ikki hamyurtimiz Abdurahmon Karimov va Amir Safoyev so‘nggi hal qiluvchi final bosqichida o‘zaro to‘qnashdi. Uchrashuvda Abdurahmon 6:0, 4:1 hisobida zafar quchib, chempionga aylandi. Qizlar orasida Viktoriya Xassayeva (Rossiya) bosh sovrinni qo‘lga kiritdi.

Shuningdek, yigitlar o‘rtasidagi juftlik bellashuvlarida hamyurtlarimiz Abdurahmon Karimov va Alan Zinatulindan iborat tandem finalda Viktor Makarov (Rossiya) / Amir Safoyev (O‘zbekiston) duetini 6:1, 6:2 hisobida taslim qildi va musobaqa g‘olibiga aylandi.  

Javohir Toshxo‘jayev, O‘zA