Қозоғистоннинг Усть-Каменогорск шаҳрида теннис бўйича «F15» таснифига кирувчи халқаро турнирда ҳамюртимиз Сергей Фомин яккалик ва жуфтлик баҳсларида муваффақиятли иштирок этди.

Яккалик баҳсларининг сўнгги ҳал қилувчи финал ўйинида Сергей Фомин беларуслик Мартин Борисюкка қарши кортга чиқди. Афсуски ушбу учрашувда вакилимизга бироз омад етишмади. Шу тариқа мусобақанинг вице-чемпионига айланди.     

Жуфтлик беллашувларида нейтрал теннисчи Егор Агафаров билан тандем ҳосил қилиб, финал босқичига қадар ғалабали одимлаган Сергей Фомин ушбу йўналишда ҳам вице-чемпион дея эътироф этилди.  

Франциянинг Труа шаҳрида теннис бўйича «Челленжер» туркумига кирувчи турнирда ҳамюртимиз Денис Истомин жуфтлик баҳсларида совриндорлар қаторидан жой олди.  

Жуфтлик баҳсларида мамлакатимиз шарафини ҳимоя қилган Денис Истомин нейтрал теннисчи Евгений Карловский билан сўнгги босқичга чиқди ва иккинчи ўрин соҳиби бўлди.  

Жавоҳир Тошхўжаев, ЎзА