Таиландда теннис бўйича эркаклар ўртасидаги халқаро турнир старт олди. Унда мамлакатимиз шарафини Максим Шин ва Илья Игнатов яккалик ҳамда жуфтлик баҳсларида ҳимоя қилмоқда.

Мусобақанинг яккалик беллашувлари илк турида Максим Шин қозоғистонлик Григорий Ломакин билан рақобатлашди. Учрашувнинг дастлабки сетини тай-брекда ўз фойдасига ҳал этган Максим, иккинчи сетда кутилмаганда 0:6 ҳисобида ютқазди. Бироқ учинчи сетда ўйин тизгинини ўз қўлига олиб, рақибини 6:3 ҳисобида енгди ва иккинчи даврада таиландлик Маркус Маласзакка қарши кортга чиқадиган бўлди.

Шунингдек, халқаро турнирнинг жуфтлик баҳсларида Илья Игнатов грециялик шериги Маркос Каловелонис билан бирга чорак финалда мезбон теннисчи Тҳантуб Суксумрарн ва ҳиндистонлик Сай Ганта тандеми билан рақобатлашади.

Жавоҳир Тошхўжаев,

ЎзА