Tennischilarimiz hisobni qisqartirdi
Poytaxtimizdagi “Saxovat sport servis“ majmuasida tennis boʻyicha “Devis kubogi”ning pley-off bahslari oʻtkazilmoqda
Poytaxtimizdagi “Saxovat sport servis“ majmuasida tennis boʻyicha “Devis kubogi”ning pley-off bahslari oʻtkazilmoqda.
Unda Oʻzbekiston terma jamoasi jahon ligasiga chiqish uchun Serbiya terma jamoasiga qarshi raqobatlashmoqda.
Bugun jamoalar oʻrtasida juftlik va yakkalik bahslari oʻtkazilmoqda. Juftlik bellashuvlarida Sanjar Fayziyev va Denis Istomin tandemi Nikola Miloyevich va Viktor Troiski juftligini 2:6, 6:1, 6:2 hisobida taslim qildi.
Shu tariqa ayni damda Oʻzbekiston va Serbiya terma jamoalari oʻyinida hisob 1:2 koʻrinish oldi. Birozdan soʻng yakkalik bahslari boshlanadi.