Joriy yilning 22-27 avgust kunlari Tojikistonning Dushanbe shahrida "Asia/Oceania Group II“ tizimidagi ”Billie Jean King Cup" musobaqasi bo‘lib o‘tadi.

Unda O‘zbekiston, Bruney, Guam, Mo‘g‘uliston, Pokiston, Shri-Lanka, Tojikiston va Turkmaniston terma jamoalari 2 guruhga bo‘lingan holda raqobatlashadi.

Mazkur guruhning har birida 4 tadan terma jamoalar keyingi bosqich yo‘llanmasi uchun kurash olib boradi. Guruhda birinchi o‘rinni egallagan jamoalar keyingi turga yo‘l oladi.

Mazkur musobaqada Petr Lebed murabbiyligidagi O‘zbekiston terma jamoasi a’zolari Oqgul Omonmurodova, Aliya Musobekova, Nasiba Espolova, Nasibabonu Qahramonova, Ominaxon Valixonova yurtimiz sharafini himoya qiladi.

Javohir TOSHXO‘JAEV, O‘zA