Хитойда Халқаро теннис федерацияси томонидан ўтказилаётган M25 тоифасига кирувчи турнирда мамлакатимиз шарафини Ҳумоюн Султонов ва Сергей Фомин ҳимоя қилаётгани ҳақида хабар берган эдик.

Мусобақанинг иккинчи даврасида Сергей Фомин украиналик Илия Марченко билан рақобатлашиши керак эди. Бироқ Илия ушбу учрашувни ўтказишдан бош тортиб, мағлубиятини тан олди. Шу тариқа теннисчимиз чорак финалга ҳеч қандай қаршиликсиз ўтди ва ярим финал остонасида малайзиялик Митсуки Вей Канг Леонгга қарши ўйин ўтказиш ҳуқуқини қўлга киритди.

Мамлакатимизнинг биринчи рақамли теннисчиси Ҳумоюн Султонов эса турнирнинг яккалик баҳслари асосий тўри иккинчи даврасида австралиялик Часе Фергусон билан рақобатлашади. 

Жуфтликлар ўртасида Сергей Фомин испаниялик Игнаси Форкано билан тандем ҳосил қилди ва чорак финал босқичида эстониялик Кристиян Тамм ва малайзиялик Митсуки Вей Канг Леонг дуэтига қарши кортга чиқадиган бўлди.

Жавоҳир Тошхўжаев, ЎзА