Баҳрайн пойтахти Манама шаҳрида теннис бўйича М15 тоифасига кирувчи халқаро турнирда мамлакатимизнинг иккинчи рақамли теннисчиси Сергей Фомин иштирок этмоқда.

Сергей Фомин Халқаро теннис федерациясининг мусобақалари тақвимидан жой олган ушбу турнирнинг яккалик баҳслари илк даврасида руминиялик Владислав Мелникни 7:6, 6:4 ҳисобида таслим этди ва иккинчи босқичда россиялик Тимофей Дерепаскога қарши кортга чиқадиган бўлди.

Шунингдек, С.Фомин жуфтлик баҳсларида нейтрал теннисчи Даниил Голубев билан тандемда швейцариялик Жами Краттигер ва Ҳонгконг шарафини ҳимоя қилаётган Чун Минг Йим дуэтини 6:0, 6:1 ҳисобида мағлубиятга учратди. Энди Сергей ва Даниил чорак финалда бошқа бир нейтрал теннисчи Иван Неделко ва руминиялик Валентин Вантага жуфтлиги билан рақобатлашади.

Маълумот ўрнида: Сергей Фомин ўтган ҳафтада  Хитойда ўтган нуфузли мусобақанинг яккалик ва жуфтлик баҳсларида чемпион бўлган эди.

Жавоҳир Тошхўжаев, ЎзА