Бутунжаҳон аёллар теннис уюшмаси томонидан Австралияда ўтказилаётган “Canberra Challenger” халқаро турнирининг асосий тўр баҳслари иккинчи давра учрашувлари бўлиб ўтмоқда.

Қувонарлиси, мазкур мусобақада Ўзбекистон терма жамоаси аъзоси Полина Кудерметова яккалик беллашувларида чорак финал йўлланмасини қўлга киритди. Гап шундаки, Полина турнирнинг иккинчи даврасида сербиялик Лола Радивоевичга қарши кортга чиқиб, 6:3, 7:6 ҳисобида зафар қучди.

Энди П.Кудерметова “Canberra Challenger”  халқаро турнирининг ярим финал остонасида хитойлик Юэ Юань ва россиялик Татьяна Прозорова ўртасидаги ўйин ғолиби билан куч синашади. Мазкур баҳс эртага 8 январь куни бўлиб ўтади.

Жавоҳир Тошхўжаев, 

ЎзА