Туркиянинг Анталия шаҳрида ўтказилаётган теннис бўйича “WTA Challenger 125” таснифига кирувчи халқаро турнирда мамлакатимиз шарафини Полина Кудерметова ҳимоя қилмоқда.

Айни дамда WTA рейтингида 147 поғонада бораётган теннисчимиз Полина “Megasaray Hotels Open” турнирида илк баҳсини испаниялик Зулета Маристанига қарши ўтказади. Дарвоқе, ушбу теннисчилар бундан икки ой муқаддам  Мельбурнда ўтган Австралия Очиқ чемпионатининг саралаш баҳсида тўқнаш келган эди ва унда П.Кудерметова зафар қучган.  

Маълумот учун, ўтган ҳафтада мамлакатимизнинг иккинчи рақамли теннисчиси Полина Кудерметова айнан  Анталия шаҳрида ўтган  "Челленжер" мусобақасида иштирок этиб, иккинчи даврага қадар етиб борган эди.

Жавоҳир Тошхўжаев,  

ЎзА