Пойтахтимизда теннис бўйича хотин-қизлар ўртасида W15 таснифига кирувчи халқаро турнирнинг яккалик баҳсларида икки теннисчимиз илк даврадан муваффақиятли ўтди.

Аниқроқ айтадиган бўлсак, Нигина Абдураимова биринчи босқичда нейтрал теннисчи Дарья Хомутсианскаяни 7:5, 6:2, 7:5 ҳисобида енгди ва чорак финал йўлланмаси учун ўтадиган ўйинда яна бир бошқа нейтрал теннисчи Екатерина Рейнголдга қарши рақобатлашадиган бўлди. Шунингдек, ёш теннисчимиз Сабрина Олимжонова кореялик Жеонг Мун билан баҳсда 6:2, 0:6, 6:2 ҳисобида зафар қучди. Энди Сабрина иккинчи даврада Варвара Паншинга қарши кортга чиқади.  

Афсуски, Халқаро теннис федерацияси тақвимидан жой олган ушбу турнирда Влада Екшибарова, Дарья Шубина ва Нигина Алимова каби теннисчиларимиз биринчи даврада муғлабиятга учради.

Жавоҳир Тошхўжаев, ЎзА