Пойтахтимиздаги "Олимпия шаҳарчаси" кортларида Халқаро теннис федерацияси мусобақалари тақвимидан жой олган аёллар ўртасидаги W15 таснифига кирувчи турнир ўтказилмоқда.

Халқаро турнирда мамлакатимиз ракетка усталаридан ташқари дунёнинг 17 га яқин давлатидан келган 30 нафарга яқин теннисчи қизлар иштирок этмоқда. Бугун ушбу мусобақада яккалик баҳсларининг асосий тўр учрашувлари давом эттирилди. Жумладан, мазкур даврада мамлакатимиз шарафини ҳимоя қилаётган Александра Бармичева латвиялик Одета Панасани 7:5, 6:0 ҳисобида таслим қилди ва иккинчи босқичда литвалик Лаима Владсон билан рақобатлашадиган бўлди.

Шунингдек, илк даврада вакилларимиздан Сабрина Олимжонова нейтрал теннисчи Дарья Хомутсианскаяга қарши, Дарья Шубина сингапурлик Эва Мария Десвигнес билан рақобатлашади.

<iframe width="650" height="420" src="https://www.youtube.com/embed/HtgzWddqikc" title="Tennis malikalari Toshkentda bellashmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусобақа ғолиб ва совриндорлари 26 октябрь куни аниқланади. 

Жавоҳир Тошхўжаев, ЎзА