Австралиянинг Брисбен шаҳрида теннис бўйича WTA томонидан ташкил этаётган 500 тоифасига кирувчи «Brisbane International» турнирнинг саралаш баҳсларида финалчилар маълум бўлди.

Мусобақада  мамлакатимизнинг иккинчи рақамли теннисчи Мария Тимофеева саралашнинг 1/2 финалида хорватиялик Антониа Рузични 7:5, 6:4 ҳисобида мағлубиятга учратди. Энди М.Тимофеева асосий тўрга йўлланма берувчи саралашнинг финал учрашувида беларуслик Александра Сасновичга қарши кортга чиқади. 

Шунингдек, айни дамда Ўзбекистон аёллар теннисида биринчи ўринда бораётган Камилла Раҳимова ушбу турнирнинг ярим финалида австралиялик Астра Шармани 6:2, 6:2 ҳисобида енгди ва финал босқичида словакиялик Ребекка Шрамкова билан куч синашиш ҳуқуқини қўлга киритди.

Жавоҳир Тошхўжаев, ЎзА