Испаниянинг Мальорка шаҳрида теннис бўйича «Челленжер» туркумига кирувчи «Rafa Nadal Open by Movistar» турнирида ҳамюртимиз Ҳумоюн Султонов муваффақиятли иштирок этмоқда.

Мамлакатимизнинг биринчи рақамли теннисчиси бўлган Ҳумоюн Султонов халқаро турнир саралаш баҳсларининг ярим финалида италиялик Фабрицио Андалорони 6:3, 6:1 ҳисобида мағлубиятга учратди ва финал учрашувида франциялик Саша Геймар Ваенбургга қарши ўйин ўтказиш ҳуқуқини қўлга киритди. 

Маълумот ўрнида: «Rafa Nadal Open by Movistar» турнири теннис афсонаси испаниялик Рафаэль Надаль томонидан ташкил этилмоқда. Ушбу мусобақанинг мукофот жамғармаси 74 минг 825 еврони ташкил этади. 

Жавоҳир Тошхўжаев, ЎзА