Оңтүстік Кореяның Сеул қаласында теннистен WTA турнирі аяқталды.

Бас жүлде 24-ші орында тұрған Екатерина Александроваға нәсіп етті. Шешуші финалдық кездесуде ресейлік теннисші өзінен рейтингте 5 саты жоғары тұрған латвиялық Елена Остапенконы 7/6(4), 6/0 есебімен ұтты.

Сеул турниріндегі сәтті жеңіс Александроваға 280 рейтингтік ұпай және 33 200 доллар ақшалай сыйлық әкелді. Бұл оның маусымдағы WTA мансабындағы үшінші титулы болды.