Бугун, 13 сентябрь куни мамлакатимиз теннисчилари “Дэвис кубоги” жаҳон гуруҳининг II саралаш босқичи доирасида ўтадиган плей-офф баҳсларининг илк ўйинида Гонконг жамоасига қарши ҳаракатланади.

Кеча ўйинларга ташланган қуръа натижаларига кўра, бугун терма жамоамиз аъзоси Cергей Фомин Гонконг вакили ATP рейтингида 483-ўринда бораётган Коулман Вонг билан, Ҳумоюн Султонов гонконглик ёш теннисчи Ц Фу Вонг билан куч синашади.

Эртага, 14 сентябрь куни Чун Хун Вонг/Коулман Вонг ва Сергей Фомин/Ҳумоюн Султонов жуфтлиги ҳамда Коулман Вонг(Гонконг) — Ҳумоюн Султонов(Ўзбекистон), Ц Фу Вонг(Гонконг) — Сергей Фомин(Ўзбекистон) баҳслари бўлиб ўтади.

Эслатиб ўтамиз, Гонконг-Ўзбекистон терма жамоалари ўйинлари 3 минг 600 нафар томошабинга мўлжалланган Гонконгдаги “Victoria Park Tennis Stadium” кортларида бўлиб ўтади.

Т. Рўзиев, ЎзА