Хабар берганимиздек, бугун пойтахтимиздаги Республика олимпия захиралари теннис мактаби кортларида норасмий жаҳон чемпионати мақомидаги "Дэвис кубоги"нинг саралаш баҳслари бошланди.

Унда Ўзбекистон – Туркия жамоалари баҳсларга киришишди.

Яккаликнинг дастлабки учрашувида ATP рейтингида 510-ўринда бораётган Санжар Файзиев рейтинг кўрсаткичида189-поғонадан жой олган Сем Илкелга қарши баҳс олиб борди.

[gallery-6010]

Учрашув 2 соат 39 дақиқа давом этди. Мураккаб ўйинда Файзиев рақибини 6/3, 6/7(1), 6/4 ҳисобида мағлуб этди ҳамда терма жамоамизни ҳисобда олдинга олиб чиқди.

Шунингдек, кун давомида терма жамоамиз аъзоси Сергей Фомин Челикбелик Альтуг билан баҳс юритади.

Мусобақа 5 мартгача давом этади. 

Т.Рўзиев, ЎзА