Ёз – ўтмоқда соз

Айни дамда сўлим гўшаларда жойлашган оромгоҳлар болажонлар билан гавжум.  

Қашқадарё вилоятидаги Шаҳрисабз шаҳрида жойлашган “Беруний” соғломлаштириш болалар оромгоҳида бу йилги мавсумда ҳам  болажонлар мириқиб дам олмоқда.    

Мавсум давомида 4 навбат асосида 2 минг нафарга яқин бола соғломлаштирилиши режалаштирилган бўлиб, ҳар бир навбатда 400 нафар бола дам олмоқда.  

Сўлим табиат қўйнида жойлашган оромгоҳда болажонлар учун барча шароит яратилган бўлиб, дам олиш мобайнида ўз соҳасининг тажрибали мутахассислари бўлган тарбиячилар томонидан турли танловлар, мусобақалар ташкил этилиши режалаштирилган.  

Шунингдек, кўнгилочар шоулар, концерт дастурлари, қўғирчоқ театри ва цирк томошалари  ҳам болажонларга бир олам қувонч бахш этмоқда.  

[gallery-17834]

Оромгоҳда дам олувчиларнинг  вақтларини мазмунли ташкил этиш ҳамда уларни спортга ошно қилиш мақсадида “Спортни сев, спорт билан яша” шиори остида шахмат-шашка, стол тенниси, волейбол, футбол, киберспорт мусобақалари бўлиб ўтмоқда.  

Бундан ташқари, рассомчилик тўгараклари, чет тиллари бўйича ташкил этилган курсларда ҳам болажонлар фаол иштирок этяпти.  

- Биз бу ерда тенгдошларим билан мазза қилиб дам оляпмиз, -  дейди оромгоҳ дам олувчиси Косон туманилик Азизахон Ҳамроқулова. - Бу ернинг овқатлари витаминларга бой. Бир-биридан қизиқарли тўгараклар ҳам ташкил қилинган ва уларда иштирок этиб вақтимизни чоғ ўтказяпмиз. Қолаверса, бу йил ҳам янги дўстлар орттирдим. Ўтган йили танишган дўстларим билан яна кўришдим. Жамоадошларимиз билан бирга турли мусобақаларда қатнашиб, фахрли ўринларни эгаллаб келяпмиз.  

<iframe width="650" height="420" src="https://www.youtube.com/embed/v5blMGsMcKg" title="“Tengdoshlarim bilan mazza qilib dam olyapmiz”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ўлмас Баротов, Жамшид Норқобилов (сурат), ЎзА мухбирлари