Avstraliyaning Melburn shahrida “Katta dubulg‘a” turkumiga kiruvchi “Australian Open – 2015” turnirining o‘smirlar o‘rtasidagi bahslarida hamyurtimiz Jo‘rabek Karimov munosib ishtirok etmoqda.

Avstraliyaning Melburn shahrida “Katta dubulg‘a” turkumiga kiruvchi “Australian Open – 2015” turnirining o‘smirlar o‘rtasidagi bahslarida hamyurtimiz Jo‘rabek Karimov munosib ishtirok etmoqda.

Tennischimiz musobaqaning yakkaliklar bahsida Andreya Pelligrinoni (Italiya) 6:3, 6:3, Sun-Vu Kvonni (Janubiy Koreya) 6:3, 6:1, Tim van Riytxovenni (Gollandiya) 7:6, 6:2 hisobida mag‘lubiyatga uchratib, chorak finalga yo‘l oldi. Endi u gretsiyalik Stefano Sitsipasga qarshi kortga chiqadi.


Qozog‘istonning Ostona shahrida “Fyuchers” tasnifiga kiruvchi xalqaro turnirning birinchi davrasida hamyurtimiz Shonig‘matjon Shofayziyev belaruslik Aleksey Komichni 6:4, 6:3 hisobida yengan bo‘lsa, yana bir umidli tennischimiz Sanjar Fayziyev ukrainalik Artyom Smirnovni 7:5, 6:3 hisobida mag‘lub etdi.

Musobaqaning ikkinchi davrasida Sh.Shofayziyev rossiyalik Denis Matsukevich, S.Fayziyev ukrainalik Maksim Ratinuk bilan bahs olib boradi.