Butun dunyoda Telegram messenjeridan foydalanayotganlar keng ko‘lamli uzilishlar kuzatilayotgani haqida xabar bermoqda, deyiladi internet-resurslari faoliyatini tahlil qilib boruvchi Downdetector sayti bergan ma’lumotda.

Soat 10.59 holatida 1 ming 266 ta shikoyat tushgan. Ularning  44 foizi serverga ulanish bilan bog‘liq muammodan shikoyat qilishgan, 29 foiz foydalanuvchilar xabar olishda muammolar paydo bo‘layotganini yozishgan, 28 foiz shikoyat esa ilovalardagi muammolar bilan bog‘liqligi aytilmoqda. 

Xabarda ta’kidlanishicha, Telegram faoliyatidagi muammolarga Rossiya, Ukraina, Belarus, Polsha va boshqa bir qator mamlakatlar aholisi duch kelgan. 
 
Telegram — messenjeri, xabar va ko‘plab formatdagi mediafayllar almashinuvi imkoniyati beradi. Ushbu loyiha "VKontakte" ijtimoiy tarmog‘ining asoschisi Pavel  Durov tomonidan 2013 yilda yaratilgan.