АҚШ-тың Техас штатында орын алған «Ханна» дауылының салдарынан 275 мыңнан астам үй мен кәсіпорындар электр қуатысыз қалды, деп хабарлайды "poweroutage.us" профильдік порталы.

Ондағы хабарламаға сай жексенбі күні таңертең Техастағы 12 миллион тұрынушыдан 276 120 жарықтың өшкені жөнінде өтініштер келіп түскен.

Сағатына 150 шақырым жылдамдықпен ескен дауыл сенбі күні Техас жағалауына жетіп, жексенбі күні тропикалық желге дейін әлсіреген. Осы жағдайдан кейін Техас губернаторы Грег Эбботт «Ханна» дауылының салдарынан штаттың кейбір провинцияларында табиғи апат жариялады. Қазіргі уақытта «Ханна» дауылы су тасқынына әкеп соқтыратын нөсер жаңбыр күйінде қалып отыр.