Эрон ва Россия томонлари қўшма тўлов тизимини ишлаб чиқиш устида ишламоқда.

Бу ҳақда Эрон ташқи ишлар вазири ўринбосари Меҳди Сафари маълум қилди, дейилади "РИА Новости" хабарида. 

Хабарда Эрон расмий вакилининг "Табиийки, ўз транзакцияларини дедолларизация қилмоқчи бўлган икки давлат "SWIFT"га ўхшаш махсус тизимга эга бўлиши керак. Эрон ва Россия томонидан бундай тизимнинг биттадан версияси танловга қўйилди. Ҳозир биз амалда жуда яхши келишувга эришдик. Бу тизим орқали икки давлат ўртасида валюта операцияларини амалга оширамиз", деган нутқи иқтибос қилиб келтирилган.