“Иссиқлик электр станциялари” акциядорлик жамияти томонидан 2025-2026 ўқув йили стипендиатлари аниқланди.  

Саралаш жараёнлари натижасига кўра, Ислом Каримов номидаги Тошкент давлат техника университетининг магистратура босқичида таҳсил олаётган 3 нафар талаба – Диёрбек Шодмонов, Элеонора Бекбосинова ва Сардорбек Саимовнинг номзоди муносиб деб топилди.

Жамият ахборот хизматининг маълум қилишича, бугунги кунда мазкур стипендия ёш мутахассислар учун нафақат моддий рағбат, балки уларнинг касбий ўсишига кенг имкониятлар яратади.

Куни кеча стипендиатларга “Иссиқлик электр станциялари” АЖ томонидан махсус сертификатлар тантанали топширилди.

Н.Зиёдуллаева,

ЎзА