O‘zbekiston Respublikasi tashqi ishlar vaziri o‘rinbosari Vladimir Norov mamlakatimizga amaliy tashrif bilan kelgan Turkiy davlatlar tashkiloti (TDT) Oqsoqollar kengashi raisi, Turkiya Adolat va taraqqiyot partiyasi raisi o‘rinbosari Binali Yildirim bilan uchrashdi.

Suhbat avvalida V.Norov Binali Yildirimni yangi lavozimga tayinlangani bilan tabriklab, unga yuksak va mas’uliyatli lavozimda muvaffaqiyat tiladi. Joriy yil 9-11 fevral kunlari Istanbulda bo‘lib o‘tgan Oqsoqollar kengashi yig‘ilishining samarali natijalari qayd etildi.

[gallery-6270]

Uchrashuvda O‘zbekiston va TDK o‘rtasidagi hamkorlikning dolzarb jihatlari muhokama qilindi, turli darajadagi bo‘lajak qo‘shma tadbirlar jadvali ko‘rib chiqildi.

Kengash faoliyatini yanada rivojlantirish yuzasidan fikr almashildi.

O‘zA