Тошкент, Ўзбекистон, 2025-йил 5-декабрь — Мамлакатнинг етакчи рақамли банкларидан бири бўлган TBC Bank тадбиркорларнинг молиявий ресурслардан фойдаланиш имкониятларини кенгайтириш мақсадида Оазис Кредит микромолия ташкилоти билан стратегик ҳамкорлик бошланганини эълон қилади.

Ушбу ташаббус Ўзбекистон иқтисодий ўсишининг муҳим омилларидан бири бўлган кичик бизнесни ривожлантиришга қаратилган. Мазкур ҳамкорлик TBC Bankнинг кичик ва ўрта бизнесни ривожлантириш, молия секторининг тадбиркорликдаги ролини кучайтириш ҳамда мамлакатнинг барча ҳудудларида иқтисодий фаолликни оширишга қаратилган узоқ муддатли стратегиясининг муҳим йўналишларидан биридир.

"Тадбиркорликни ривожлантириш — иқтисодий ўсишни таъминлайдиган асосий омиллардан биридир. Биз учун кичик бизнес ўз вақтида, тушунарли ва қулай молиявий маблағга эга бўлиши учун зарур шароитларни яратиш муҳим. Оазис Кредит билан ҳамкорлик қамровимизни кенгайтиришга, фаолиятимизни янада кенг миқёсда олиб боришга ҳамда мамлакатнинг барча ҳудудларидаги тадбиркорларни қўллаб-қувватлашга хизмат қилади", — деди TBC Bank бош директори Спартак Тетрашвили.

"TBC Bank томонидан ажратилган молиявий ресурслар компаниямиз учун маҳаллий бозорда миллий валютадаги илк молиялаштириш ҳисобланади. Бундан олдин биз асосан хорижий молиявий манбалардан фойдаланиб келганмиз. Маҳаллий банклар билан йўлга қўйилган ҳамкорлик Ўзбекистон молия институтлари билан янада яқин ва самарали алоқаларни ривожлантириш учун янги имкониятлар очади. Жалб этилган ресурслар кредит портфелимизнинг 95 фоиздан ортиғини ташкил этувчи кичик ва микробизнесни қўллаб-қувватлашга йўналтирилади", — деди Оазис Кредит бош директори Маҳмудали Гусейнов.

Оазис Кредит Узбекистан каби микромолия ташкилотлари билан ҳамкорлик TBC Bankнинг тадбиркорларни қўллаб-қувватлаш бўйича тизимли фаолиятини тўлдиради. Аввалроқ, 2025-йилда банк аёллар тадбиркорлигини ривожлантириш дастурларини қўллаб-қувватлаш мақсадида Трипле Жумпъдан, шунингдек кичик ва ўрта бизнес учун маҳсулотлар қаторини кенгайтириш йўналишида Блуе Орчардъдан маблағ жалб қилган.

2024-йил декабрь ойида TBC Bank тадбиркорлар учун банк ва унга боғлиқ барча молиявий операцияларни тўлиқ онлайн бошқариш имконини берувчи TBC Business платформасини ишга туширди. Платформа қулай ва тезкор транзаксион хизматларни таклиф этади. Ишга тушганидан буён маҳсулот жадал ривожланиб бормоқда: бугунги кунга келиб 6 000 дан ортиқ ҳисоб рақамлари очилган. Шу билан бирга, тадбиркорлар орасида банк маҳсулотларига бўлган талаб ҳам ортиб бормоқда, бу эса 2025-йилнинг учинчи чорагида бизнес кредитлари портфелининг ўсиши билан тасдиқланмоқда. TBC Business доирасида молиялаштириш йўналишини ривожлантириш орқали банк кичик ва ўрта бизнес сегментида етарлича қамраб олинмаган бўшлиқни босқичма-босқич тўлдирмоқда ҳамда TBC экотизимидаги мижозлар иштирокини кучайтирмоқда.

TBC Bank ҳақида

TBC Bank — Ўзбекистоннинг етакчи банкларидан бири бўлиб, жисмоний ва юридик шахслар учун кенг турдаги рақамли молиявий хизматларни таклиф этади. Банк хизмат кўрсатишнинг рақамли каналларини фаол ривожлантириб, операцияларнинг шаффофлигига, халқаро хавфсизлик стандартларига ва хизматлар сифатига алоҳида эътибор қаратади. Банк мижозларининг молиявий ҳаётини янада қулай ва осон қилишни ўз олдига мақсад қилган.

Оазис Кредит Узбекистан ҳақида

Оазис Кредит Узбекистан — кичик ва микробизнесни қўллаб-қувватлашга ихтисослашган, Ўзбекистондаги тажрибали микромолия ташкилотларидан бири ҳисобланади. Ташкилот шаффофлик ва корпоратив бошқарув бўйича халқаро стандартлар асосида фаолият юритади. Унинг таъсисчилари қаторига халқаро молиявий институтлар — Жумладан, Финляндия ривожланиш банки Финнфунд, Германиянинг И.Д. Инспиринг Девелопмент ГмбҲ ҳамда Буюк Британиянинг Стургеон Cапитал ташкилотлари киради.