Тайвань шимолидаги Синьбэй шаҳри соғлиқни сақлаш органи 18 ёшли йигитга карантинни бузгани учун рекорд даражада кўп жарима солди. ICRT радиостанциясининг хабар беришича, унинг оиласи энди 1,5 миллион тайвань доллари (51,5 минг АҚШ доллари) миқдорида жарима тўлашга тўғри келади.

Коронавирусга қарши тест натижаси мусбат бўлган йигитча 10 кунлик уй карантинини бузган. Дам олиш куни у дўстлари билан баскетбол ўйнагани ва севган қизи учун совға олгани кетган. Натижада у ҳам коронавирусга чалинган.

Аввал бошда йигитча уйдан чиқмаганига ишонтирмоқчи бўлган. Бироқ полициячилар ва шифокорлар далил сифатида унинг “саргузаштлари” ҳақида ижтимоий тармоқдаги фотосуратини кўрсатган. Ушбу суратларни интернет фойдаланувчилардан бири скриншот қилиб ҳукуматга жўнатган экан.

Маълум бўлишича, йигитча COVID-19 билан касалланган беморнинг қаерда эканини кузатиб борувчи дастурни чалғитмоқчи бўлиб телефонини атай уйда қолдириб, сурат олиш учун бошқа смартфондан фойдаланган.

Ушбу жарима оролда пандемия бошлангандан буён катталиги бўйича рекорд ҳисобланади.