Тайваннинг Тайтунг округида 6,1 магнитудали ер силкиниши юз берди, деб хабар бермоқда “Reuters” нашри.

Таъкидланишича, зилзила Тайпей ҳудудида ҳам сезилган. Мамлакат об-ҳаво идораси маълумотларига кўра, зилзиланинг чуқурлиги 11,9 кмни ташкил қилган. Ҳозирча йўқотилган зарар ҳамда жабрланганлар ҳақида расмий маълумот берилмаган.

Маълумки, мазкур орол икки тектоник плитанинг кесишган ҳудудида жойлашган бўлиб, минтақада тез-тез зилзилалар рўй бериб туради. 

Д.Ҳакимов, ЎзА